У Інстытуце філасофіі прайшоў круглы стол “«Адвечным шляхам» Ігната Абдзіраловіча і сучасныя выклікі беларускаму светапогляду”
Sorry, this entry is only available in Беларуская and Russian. For the sake of viewer convenience, the content is shown below in one of the available alternative languages. You may click one of the links to switch the site language to another available language.
13 кастрычніка 2021 г. у Інстытуце філасофіі НАН Беларусі адбыўся круглы стол «Адвечным шляхам» Ігната Абдзіраловіча і сучасныя выклікі беларускаму светагляду».
Мерапрыемства было прысвечана творчасці выдатнага мысляра міжваеннай Беларусі Ігната Канчэўскага (Абдзіраловіча). У 1921 годзе Ігнат Канчэўскі (1896 – 1923) у сваім філасофскім эсэ «Адвечным шляхам» прапанаваў шэраг тэм і ідэй, якія сталі вызначальнымі для беларускага мыслення на стагоддзе наперад. Беларуская ідэнтычнасць як ідэнтычнасць цывілізацыйнага і культурнага памежжа; неабходнасць суб’ектнасці і «духа жывога», без якіх не можа быць «выразнай культуры»; нацыянальная гісторыя як дыялектыка прыгнёту і вызвалення, «свайго» і «чужога»; грамадскія і сацыяльныя формы, што непазбежна становяцца пасткай і перашкодай і мусяць змяняцца, – разам з ідэяй (утопіяй) «ліючайся формы» і імператывам «творачы зруйнуем» гэтыя тэмы склалі аснову і залаты фонд беларускай філасофскай рефлексіі.
На круглым стале адбылося з аднага боку, падсумаванне і кадыфікацыя «лініі Абдзіраловіча» ў беларускай філасофіі, з іншага, адкрыццё праблемнага поля ў будучыню, разгляд сучасных цывілізацыйных выклікаў і магчымых інтэлектуальных адказаў. У ім прынялі ўдзел спецыялісты у галіне гісторыі філасофіі Беларусі, а таксама новай і найноўшай гісторыі, інтэлектуальнай культуры нашай краіны.
