Супрацоўнікі Цэнтра гісторыка-філасофскіх і кампаратыўных даследаванняў правялі выязную сесію навукова-практычнага семінара па актуальных праблемах гісторыі інтэлектуальнай культуры Беларусі
Sorry, this entry is only available in Беларуская and Russian. For the sake of viewer convenience, the content is shown below in one of the available alternative languages. You may click one of the links to switch the site language to another available language.
24 красавіка 2019 г. супрацоўнікі Цэнтра гісторыка-філасофскіх і кампаратыўных даследаванняў В.А. Максімовіч, С.І. Санько, І.М. Дубянецкая і І.М. Новік сумесна з аддзелам ідэалагічнай работы, культуры і па справах моладзі Лагойскага раённага выканаўчага камітэта ў рамках рэспубліканскай праграмы мерапрыемстваў, прысвечаных Году малой радзімы правялі выязную сесію навукова-практычнага семінара па актуальных праблемах гісторыі інтэлектуальнай культуры Беларусі для працаўнікоў культуры і настаўнікаў сярэдніх школ Лагойскага раёна.
Падчас сустрэчы С.І. Санько пазнаёміў прысутных з гісторыяй Інстытута філасофіі, асноўнымі кірункамі яго дзейнасці, а таксама даследаваннямі, якія праводзіць Цэнтр гісторыка-філасофскіх і кампаратыўных даследаванняў, і ходам рэалізацыі праекта выдання 6-томной «Гісторыі філасофскай і грамадска-палітычнай думкі Беларусі».
В.А. Максімовіч раскрыў значэнне тэмы малой радзімы ў творчасці беларускіх паэтаў і прачытаў уласныя вершы, прысвечаныя яго роднай Лагойшчыне.
І.М. Дубянецкая адзначыла вялізную ролю, якую адыграў ураджнец Лагойшчыны, вядомы рэлігійны і дзяржаўны дзяяч Вялікага Княства Літоўскага Валяр’ян Пратасевіч-Шушкоўскі (1505 – 1579) у справе арганізацыі вышэйшай адукацыі ў краіне.
І.М. Новік распавёў пра першага рэцэнзента Янкі Купалы Ўладзіміра Самойлу, знаёмства каторага з будучым паэтам адбылося яшчэ ў юнацкія гады менавіта на Лагойшчыне.
Больш падрабязна падзея асветлена на Лагойскім рэгіянальным інтэрнэт-партале.
Gallery
