Міждысцыплінарны майстар-клас «Актывізацыя крэатыўнасці: мадэль 5+»
Sorry, this entry is only available in Беларуская and Russian. For the sake of viewer convenience, the content is shown below in one of the available alternative languages. You may click one of the links to switch the site language to another available language.
Інстытут філасофіі НАН Беларусі запрашае на міждысцыплінарны майстар-клас «Актывізацыя крэатыўнасці: мадэль 5+». Мерапрыемства адбудзецца ў 15:00 14 чэрвеня 2018 г. на адрас: вул. Сурганава 1, к.2, аўд. 302 (3-ці паверх).
Важным кампанентам навукова-даследчай дзейнасці з’яўляецца ўменне ствараць арыгінальныя ідэі, крытычна асэнсоўваць ўстояныя падыходы ў вырашэнні навуковых праблем, аптымізаваць працэс навуковых пошукаў. У сучасным інавацыйна арыентаваным грамадстве наватарства, творчы характар, крэатыўнасць выступаюць неад’емным спадарожнікам інжынернага, прыродазнаўчанавуковага і гуманітарнага мыслення. У фокусе майстар-класа знаходзіцца праблема актывізацыі крэатыўнасці асобы ў адзінстве такіх яе элементаў, як нестандартнае мысленне, ментальная гнуткасць, стрэсаўстойлівасць, вынаходніцтва, самаактуалізацыі. Прапануецца знаёмства з аўтарскай мадэллю крэатыўнасці і механізмамі яе ажыццяўлення, пабудаванай на замежных і айчынных аналогах.
Майстар-клас прызначаны для магістрантаў, аспірантаў, маладых навукоўцаў, навуковых работнікаў, а таксама ўсіх, хто цікавіцца праблематыкай крэатыўнасці і асобаснага росту.
Вядучы: кандыдат філасофскіх навук, дацэнт, спецыяліст у галіне логікі, тэорыі творчасці Дзмітрый Валянцінавіч Ермаловіч.
Для ўдзелу ў майстар-класе трэба зарэгістравацца ў онлайн-форме: https://goo.gl/forms/lvyIyJcopBlY3S2o2
