Forming of positive life strategies of citizens of Belarus in post-Chernobyl epoch
Мерапрыемства праходзіць у рамках “Тыдня ўстойлівага развіцця 2015” пад эгідай Праграмы развіцця ААН у Рэспубліцы Беларусь і Праграмы падтрымкі Беларусі Федэральнага ўрада Германіі. Агульнай мэтай цыклу мерапрыемстваў “Тыдня” з’яўляецца навукова-практычнае абагульненне айчыннага і міжнароднага вопыту кіравання працэсамі ўстойлівага развіцця на нацыянальным, рэгіянальным і мясцовым узроўнях, распрацоўка канкрэтных прапаноў па павышэнню яго эфектыўнасці і пашырэнню грамадскага ўдзелу ў гэтых працэсах.
Семінар, які праводзіцца ў рамках гэтай ініцыятывы, працягвае і развівае тэматыку фарміравання сацыяльна-экалагічных прыярытэтаў беларускага грамадства ва ўмовах постіндустрыяльнага развіцця, якое з’яўляецца прадметам навукова-даследчай работы, што выконваецца ў 2011-2015 гг. Інстытутам філасофіі НАН Беларусі ў рамках дзяржаўнай праграмы навуковых даследаванняў “Гісторыя, культура, грамадства, дзяржава”.
Перад удзельнікамі семінара стаяць задачы абмеркавання комплексу інфармацыйна-адукацыйных і арганізацыйна-метадычных мер па фарміраванні пазітыўных жыццёвых стратэгій насельніцтва Беларусі. Такія стратэгіі ўключаюць у сябе элементы экалагічнай рэфлексіі, развітую маральна-экалагічную свядомасць, узважана-пазітыўнае стаўленне да найноўшых тэхналогій, ўстаноўку на здаровы лад жыцця, рэсурсазберагальныя паводзіны ў побыце. У міждысцыплінарным дыялогу навукоўцаў і практыкаў галіны адукацыі і прыродаахоўнай сферы будуць разгледжаны задачы фарміравання пазітыўных жыццёвых стратэгій па лініі інфармавання, адукацыі і выхавання.
Gallery
![](http://philosophy.by/wp-content/store/conf-2015-05-20-face-420x300.png)
![](http://philosophy.by/wp-content/store/conf-2015-05-20-photo-1-420x300.jpg)
![](http://philosophy.by/wp-content/store/conf-2015-05-20-photo-2-420x300.jpg)
![](http://philosophy.by/wp-content/store/conf-2015-05-20-photo-3-420x300.jpg)
![](http://philosophy.by/wp-content/store/conf-2015-05-20-photo-4-420x300.jpg)